Ashta Lakshmi stotram Sant Naam Gatha 1 Sant Naam Gatha 2 Sant Naam Gatha 3
सर्वांचें स्वगत / Welcome All
By Bus- 45 mins
25kms to reach
आज दिनांक : July 27, 2024
कौडिंण्यपूर (कुंडनपूर) जि. अमरावती (प्राचीन इंद्रपुरी) हे विदर्भातील गाव म्हणजे प्रति पंढरपूर. कृष्णाशी रक्ताचे नाते जुळलेला हा पवित्र भूभाग. ‘मनाचिये वारी’ त दहा पालखीपैकी ४२५ वर्षे परंपरेची कौडिंण्यपूरची ही एक आई रुख्मिणीची पालखी. या पालखीचे ४० ठिकाणी मुक्काम होतात, एवढा प्रदीर्घ प्रवास.
पौराणिक काळ लगेचच डोळ्यासमोर तरळावा अशी ही सगळी गावे. कौडिंण्यपूर ही विदर्भ देशाचा राजा भीष्मकाची राजधानी होती. राजा भीष्मकाने कन्यारत्न झाल्याचा मोठा उत्सव राज्यात साजरा केला. दानधर्म केला. कन्येचे नाव ठेवले रुख्मिणी. जी सोन्यासारखी तेजःपुंज आहे. जी कृष्णाची शक्ती आहे. जी भक्तांसाठी जगन्माता आहे.
रुख्मिणीमाता आदर्श कन्याही.. तिच्या भावाने (रुख्मिने) राजकारणासाठी ठरवलेला विवाह टाळून तिने कृष्णाला प्रेमाची गळ घातली आणि गळ्यात माळही घातली हे सर्वश्रूतच.
कृष्णाने रुख्मि.. शिशुपाल.. जरासंध यांना युद्धात हरवून ज्या मंदिरातून रुख्मिणीचे हरण केले ते कुलदेवी अंबामाता मंदिर अमरावतीत आहे. कृष्णाकडून पराभूत झालेला रुख्मि पूढे जिथे राहिला ते गाव भातुकली (भोजपूर) आणि कृष्णाने जिथे भरधाव रथाची धूर टेकली.. तहानलेल्या रुख्मिणीला बाणाने विहीर खोदून पाणी दिले ते गाव म्हणजे मालधूर ही पण गावे इथेच आहेत.
कृष्णाचे वऱ्हाड इथे आले म्हणून हा भाग वऱ्हाड. या पुराणकथांनी व्दारकेशी.. पंढरपूरशी लोकांचे नाते दृढ होत विठ्ठल रुख्मिणीमातेवरच्या सश्रद्ध भक्तीचा आनंद लुटतात. प्रत्यक्ष परमेश्वर आमचा जावई असल्याचा अभिमान येथील जनतेला आहे.
Ashta Lakshmi stotram Sant Naam Gatha 1 Sant Naam Gatha 2 Sant Naam Gatha 3